Strona wykorzystuje COOKIES w celach statystycznych, bezpieczeństwa oraz prawidłowego działania serwisu.
Jeśli nie wyrażasz na to zgody, wyłącz obsługę cookies w ustawieniach Twojej przeglądarki.

Zgadzam się Więcej informacji

Esperanto

Sur tiu placo estis planata monumento al LLZ en la formo de babelturo.


uzupełnij jewishbialystok@gmail.com
Sur tiu placo estis planata monumento al LLZ en la formo de babelturo. En la jaro 1931 oni solene enmasonigis fondo-dokumenton; pro nesufiĉo je kolektita mono, kaj politika sinteno en tiu epoko, la monumento ne kreiĝis. En la urbocentro de Bjalistoko, antaǔ la nuna sidejo de Bjalistoka Filharmonio, estis planita fine de la 20aj jaroj de la pasinta jarcento la unua, bjalistoka monumento al Ludoviko Lazaro Zamenhof.  La ideo estis lanĉita dum la Unua Postkongreso post la UK en Danzigo (hodiaǔ: Gdańsk)kaj „portata” de la fondinto kaj la unua prezidanto de Zamenhofa Esperanto-Societo en Bjalistoko – Jakobo Ŝapiro (Szapiro). Oni komencis la tutmondan varbadon kaj monkolektadon kaj eĉ en 1931 okazis la oficiala enmasonigo de la fondo-dokumento , sed…  Baldaǔ en la intermillia Pollando kaj precipe en Bjalistoko la politika etoso ŝanĝiĝis kaj la hebrea filo de Bjalistoko ne plu estis inda je postumento. Interese ke la dua iniciato de bjalistoka Zamenhof-monumento, lanĉita dum la 44a UK en Varsovio, post kelkaj jaroj preskaǔ falis. Nur en 1973 anstataǔ la planata, granda Zamenhof-monumento, oni inaǔguris modestan bustomonumenton proksime al la naskiĝstrato kaj la naskiĝloko de Ludoviko. La tria ideo pri la plej granda monumento al LLZ, lanĉita dum la varosvia, 72a UK en 1987 – Monda Esperanto-Centro en Bjalistoko velkis, ĝis en 2009 okaze de la 94a UK en Bjalistoko estis inaǔgurita modesta Zamenhof-Centro, kie Esperanto, helprolis. Post du semajnoj tiu Centro ne plu estos memstara. Ĝi iĝos filio de Bjalistoka Kulturcentro, oficiale pro financaj kialoj, sed samtempe ekfunkcios en Bjaliistoko nova kultura institucio. Jen kelkaj tajdoj de la „memorigado” de Zamenhof en Bjalistoko.

2016-12-19 08:56:56